為幼稚園錄製校歌 張家誠擅長氹細路
香港文匯報訊（記者 子棠）資深音樂人張家誠日前為天主教聖瑪加利大幼稚園錄製校歌，這次「踩過界」進軍校園，他視為新嘗試：「唔會理係咪大材小用，其實我覺得做音樂無分高低，只分用唔用心！我見到老師係好畀心機同小朋友練習，我會開心因為遇到一班肯用心去做好音樂嘅人！」
育有一兒的張家誠與學生碰面時，十分懂得氹細路，令錄音過程非常順利：「其實今次唔係流行曲嘅曲風，當中仲有啲古典元素，因為今次有小朋友參與製作，加上校歌係日日都要唱，如果你做得好可以日日都感動到佢，所以我想做一首有感染力、好溫暖嘅歌曲！」他稱讚參與製作的小朋友很可愛，希望小朋友對學校產生歸屬感：「我本身係一個家長，好希望做一啲好聽嘅兒歌畀小朋友去唱！幫小朋友錄音唔難嘅，因為舊時一日錄八十人都試過啦，加上學校都幫佢哋做咗好多日練習，所以對我嚟講實在太容易喇。」
