水晶宮歷史性歐協聯奪冠
英超水晶宮昨晨於德國萊比錫上演的歐協聯決賽，以1:0擊敗西甲華歷簡奴，贏得隊史首個歐洲賽事冠軍。意外落選英格蘭大軍的阿當華頓，於51分鐘禁區外精彩遠射，華歷簡奴門將巴達拿僅能撲到皮球，但被伏兵門前的桑馬迪達補一腳射入，為水晶宮奠勝！
今季基於球會所有權方面存在多重關聯，而且錯過提交可驗證合規格方案的期限，水晶宮被歐洲足協取消歐霸盃參賽資格，降級參加歐協聯。水晶宮曾對此提出抗議，但最終卻將「降級參賽」轉化為一座歐洲冠軍獎盃。
今次奪冠亦是將離任的領隊加士拿，執教生涯又一重要里程碑。他在去年帶領水晶宮擊敗曼城，贏得隊史首座英足盃，然後再贏得社區盾，今次歐協聯稱雄，也鎖定了下屆歐霸盃參賽資格。加士拿賽後更霸氣回應與主席派列殊意見不同的提問：「既然要走嘞，就唔需要同意主席嘅觀點，喺英超煞科日後，佢話舊年捧英足盃係水晶宮歷史最威一日，我唔同意，我一直相信最好嘅在未來，今晚喺萊比錫已經證明到！」
