雙黃線違泊阻城巴轉彎 司機貪方便塞爆中上環
中環一帶日間泊車位長期供不應求，部分司機卻貪方便胡亂泊車阻路，不時惹起公憤。近日就有網民發帖直擊有電動車在德輔道中一個路口的雙黃線禁區違例泊車，阻礙城巴沒空位入彎駛過，連累尾隨車龍寸步難行。大批網民留言轟司機癱瘓交通，有人慨嘆有錢交罰款「又真係大晒喎」；更有網民踢爆司機折返後竟嘆慢板未馬上將車駛走，「真係好自私」。
樓主在Threads上載多張相片並寫道：「呢位XXXXXX車主太出色，好揀唔揀揀呢個位泊車，成條德輔道中塞晒」。只見一輛紫色電動車停在中環街市對出域多利皇后街街尾的雙黃線禁區，一輛沿德輔道中左轉駛入的城巴疑沒空位入彎被困路中，兩邊馬路尾隨的多輛巴士、私家車及專線小巴等無法前行。
有網民認出該處是違泊黑點，「喺中環撈咗十幾年，呢個例位嚟，基本上每日幾鑊」，不少人大鬧司機貪方便做出自私行徑，「出彎位泊車，係咪OnX」、「反社會人格」、「中環成日都有呢啲XX司機亂X咁泊車」，又揶揄「幾舊水買個方便同收視，超值」。
折返取車嘆慢板 警察趕至發告票
有網民上載警察到場查問涉事司機的相片，形容當時「中環往上環塞晒」，並從999熱線獲悉警方已收到多人舉報，推算堵路時間「真係唔短」，又指司機折返後「都仲未捨得開車走，慢慢嚟」直至警察到場趕及發出告票，但慨嘆「幾舊水，買起晒中環塞緊車嘅人，真係好自私。」有網民認同數百元罰款難起阻嚇，遂提倡「呢個位即拖仲好啦。仲要罰錢+Call拖車錢。同去埋車場拎車煩下佢哋」，甚至建議「扣留車輛及車主一個星期！」以儆效尤。
