李文恩：將港超打造成本地Show
借鏡「蘇超」吸引巿民
香港要進一步鞏固「體育盛事之都」地位，除了繼續引進世界級體育大賽外，亦需要打造本地體育賽事品牌。去年港足曾創造「坐爆啟德」的盛況，不過回到港超聯入場數字卻始終停滯不前，港超聯球隊理文會長李文恩認為要吸引觀眾入場，需為賽事注入本土特色和文化娛樂元素。
李文恩自2003年起開始投身本地球圈，後來自立門戶成立理文足球會，每年班費至少達八位數，他表示一切都源於情意結：「小時候經常入場睇波，特別對當年嘅精工印象深刻，自己一直喜歡足球，又係香港出世，所以想為香港足球略盡綿力。」30年前南華對快譯通的大戰可以吸引超過3萬球迷入場，但上季平均入場人數卻不足700人，李文恩認為從觀賽體驗來看，今日本地波與當年沒有太大分別：「幾十年嚟睇波模式一模一樣至係最『大鑊』，社會變化好大，我希望將本地波打造成一個本地show，唔止同球迷，仲要同所有香港人產生連結。」
江蘇省城市足球聯賽（蘇超）近年在內地爆紅，因工作關係長居蘇州的李文恩亦曾入場「考察」，他認為「蘇超」有港超聯可以借鏡的地方：「江蘇呢13個城市有種微妙競爭性，港超球隊好難有呢種主場作客嘅氣氛，不過佢哋對於比賽點樣同旅遊、文化、娛樂連結方面，下咗好多工夫，呢啲係我哋可以學習嘅地方。」
「蘇超」成功將每場比賽變成一個盛大的足球嘉年華，從球迷、家庭到商戶，整個城市都參與其中，他表示港超賽事亦應該各方面注入更多本土特色，與社區深度綑綁：「我希望港超比賽可以變成一個本地show，邀請一啲本地商戶擺攤位，多一啲飲食選擇，甚至請本地新晉歌手表演，同更多市民產生連繫。雖然香港球場比較細，但至少可以先嘗試，我哋吸引入場嘅唔單止係球迷，而係所有香港市民。」
推動青訓 放眼海外
李文恩亦指在香港推動青訓，受到場地嚴重不足問題限制，正開始將目光放向海外，計劃將潛質小將送到足球強國受訓：「國足青年隊呢一兩年成績好好，當中有幾個主力小時候已經喺西班牙受訓，現在正踏入收成期。我哋正考慮將有潛力嘅7、8歲球員送去外國訓練，睇睇可唔可以出產一批好球員，幫到港足。」
