教長春女足 陳曉明要為香港教練正名
除了陳婉婷，另一位香港教練陳曉明，22年執教生涯走遍港澳台地區，最新一站更來到內地女超擔任長春女足主帥，長年四處闖蕩，除了希望擴闊自己眼界，更多的是想為香港教練正名。
雖然有着國際足協及亞洲足協教練導師的頭銜，但陳曉明坦承外流時要撕下身份標籤並非易事。沿着香港教練培育系統的階梯一步一腳印走到今天，陳曉明始終相信港產教練有能力在更廣闊的天地立足：「香港教練嘅身份對我嚟講好重要，我由教小朋友、草根足球、青年代表隊到職業隊教練一路上去，跟過郭家明、黎新祥同曾偉忠等導師，係一個由香港教練系統培養嘅教練。」
外流的困難不少，但收穫亦大，陳曉明堅持跳出舒適圈的同時，亦見證着自己的成長：「我投身足球教練行業，就係唔想被恒常單一嘅工作限制視野，出外教波可以接觸到唔同嘅人同文化。」
「依家我更專注喺球隊、自身嘅成長同進步，要生活喺足球世界，更需要動力同熱誠，希望畀其他正在努力嘅香港教練睇到，世界好大，路並非只得一條。」
