樂藉歌手之力推正能量 馮允謙盼多與粉絲行善
香港文匯報訊（記者 子棠）馮允謙（Jay）日前舉行粉絲聚會，與「追風」（粉絲暱稱）同慶出道15周年，「追風」們非常熱情，不單止玩遊戲時極度投入，當Jay自彈自唱時更湧到台前，還不停自拍、對鏡頭簽名及錄志氣bite，花樣百出。
相隔3年再辦聚會，Jay非常期待，除了親簽海報作為禮物，還帶來最近在各大頒獎禮奪得的獎座到場，讓「追風」打卡拍照。他在台上說：「每一次出歌、做show，都係大家一齊做出成績，所以要多謝你哋每一位，帶埋啲獎嚟，想同大家分享喜悅。」Jay更送出《She Don't Love Me Anymore》MV中用過的結他作遊戲的壓軸大獎，並即場簽名，逗得全場歡呼；還透露即將推出首張全英文歌專輯。其間台下有粉絲大叫靚仔，他風騷回答：「我知呀！」
Jay表示：「好開心，好難得搞到今次嘅粉絲聚會，上次係3年前，我剛做完第一次紅館演唱會之後。今日我好輕鬆，可能佢哋未見過我咁Chill嘅一面。」最令他難忘是單對單環節：「佢哋通常會叫我拍片，錄啲鼓勵說話，我覺得好有意義，可能因為我唱勵志歌畀到佢哋力量，寧願唔影相留返時間拍片。我覺得做歌手，除咗表演時帶畀大家快樂，仲可以發放愛和正能量，好有意義。」他希望除了聚會，更想帶「追風」一齊做善事：「之前我參加咗一個同視障人士跑步嘅慈善活動，希望下次可以同粉絲一齊參加，可以做善事又可以跑步。之前我哋有去老人院派飯、同公公婆婆玩，希望可以同粉絲一齊做更多不同嘅慈善活動。」
