受Supper Moment啟發做歌手 柳應廷與偶像同台激動哽咽
香港文匯報訊（記者 子棠）男團MIRROR成員柳應廷（Jer）一連兩場的《The Shade of Breathing Live 2026》演唱會前晚圓滿落幕，尾場吸引多位藝人捧場。當中佘詩曼與「麻雀友」梁業（肥仔）排排坐，提到佘詩曼近日與吳君如、呂爵安（Edan）及肥仔「攻打四方城」慘敗，她笑言不再跟他們打麻雀、甚至要退出「麻雀」群組。
Jer全晚賣力跳唱、還表演打太鼓及結他自彈自唱，又走近觀眾席與粉絲互動，氣氛高漲；不過當特別嘉賓樂隊Supper Moment登場合唱《幸福之歌》，Jer唱畢即「失守」灑淚，Supper Moment主音陳仕燊（Sunny）上前擁抱安慰。Jer哽咽道：「我學結他、夾Band都係因為佢哋，冇Supper Moment就冇今日嘅我。我記得有一次校園騷見到佢哋但冇打招呼，之後我哋演出正正就係翻唱佢哋嘅歌。等咗十幾年，終於可以同台合唱，我真係好開心！」
Sunny感嘆緣分奇妙，憶起10年前Show後受訪，當年採訪他們的正是Jer：「幾年後見到佢喺熒幕自彈自唱，今日佢已經擁有自己嘅個唱」。Sunny透露，今次音樂總監王雙駿見證了Jer、吳林峰與Supper Moment三個單位的成長，還自爆為Jer獻出人生首次打開聲針：「今朝起身失咗聲，綵排後去打針，打喺屁股度，好痛！但我好珍惜呢個機會。」
安歌環節上，Jer即興要求做和音的吳林峰自彈自唱新歌《愛情不是我強項》，打趣道：「佢呢兩日好囂張，經常問我緊唔緊張，𠵱家就睇佢喺台度緊唔緊張！」合唱後Jer感觸說：「我和Sunny、吳林峰關係微妙，惺惺相惜。」演唱會兩度安歌，最後Jer以一曲《沙龍》作結，並叮囑攝影師多拍台下粉絲：「你哋每一位都係我嘅沙龍。」
兩場「唔夠喉」想做巡演
Jer完騷後解釋落淚因由，他稱全因Supper Moment啟發他做歌手，之前兩次開騷邀請對方均因檔期告吹，今次終圓夢。他感謝Sunny忍痛打針，祝對方早日康復。對於只開兩場，Jer直言「唔夠喉」，透露正與公司研究舉辦巡迴個唱：「我好想做海外巡唱。」
提到頭場嘉賓Edan取笑他不懂「搞爛Gag」，Jer笑指自己是為配合Edan的搞笑風格。對於Edan在台上「Hater's論」引起部分粉絲不滿，Jer為好友護航：「佢一向口硬心軟，講嘢快過個腦，唔係刻意引起爭議。我喺Edan身邊多年已培養出高EQ，佢講乜都唔會嬲，大家唔好嬲佢。」至於兩晚分別獲佘詩曼及林熙蕾等撐場，Jer非常高興。
