相隔3年再辦聚會 Jay盼與粉絲行善
馮允謙（Jay）相隔3年再舉行粉絲聚會，日前與「追風」（粉絲暱稱）同慶出道15周年，「追風」們非常熱情，不單止玩遊戲時極度投入，當Jay自彈自唱時更湧到台前，單對單時，更不停自拍、對鏡頭簽名及錄志氣bite，花樣百出。Jay更送出《She Don't Love Me Anymore》MV中用過的結他作遊戲的壓軸大獎，並即場親自簽名，逗得全場歡呼，並透露即將推出首張全英文歌專輯。
Jay表示：「好開心，好難得搞到今次嘅粉絲聚會，上次係3年前，我剛做完第一次紅館演唱會之後。今日我好輕鬆，可能佢哋未見過我咁Chill嘅一面。」最令他難忘是單對單環節：「佢哋通常會叫我拍片，錄啲鼓勵說話，我覺得好有意義，可能因為我唱勵志歌畀到佢哋力量。」他希望除了聚會，更想帶「追風」一齊做善事：「之前我參加咗一個同視障人士跑步嘅慈善活動，希望下次可以同粉絲一齊參加，又可以做善事又可以跑步。」
