吳安儀時隔7年重返世一
香港桌球手吳安儀雖於世界女子桌球錦標賽止步四強，但仍憑全季佳績，趕過中國的白雨露，相隔7年再登世界第一。「四眼Cue后」坦言女子球手水準不斷提升，今次再當「一姐」來得更有意義。
現年35歲的吳安儀上次登上「世一」已是2019年4月，今季能再度登頂，她直言：「比起7年前第1次做世一之時，今次更難、更有意義，因為目前女子球手水平不斷提升，參賽人數亦增加，競爭大得多，特別係多咗一班基本功扎實嘅年輕球員。」
安儀強調不能故步自封，要不斷努力繼續進步：「其實呢兩年，有幾次同世一位置擦身而過，好幾次都只係差一場。心理上需要調整，所以今次能夠重返第一，真係一啲都唔容易。不過我亦明白，重返世一好難，以後想繼續保持呢個位置就更難。相信要同一眾新晉年輕球手一樣，繼續努力練習，仲要進一步提升本身技術。」
