享受踩過界 唱歌劍擊相輔相成
蔡俊彥一直熱愛唱歌，近年多次在公開活動上獻唱。今年3月底，Ryan殺入樂壇推出新歌《我最討厭的男歌手》，迎來運動員加歌手的雙重身份，他表示這種生活相當充實：「漸漸適應中，覺得既開心又充實，呢一年係我人生中感到最充實嘅一年，每分每秒都做緊自己喜歡嘅事。」
Ryan認為唱歌對打劍有幫助，能夠釋放情緒及更懂得表達自己：「唱歌令我『講多咗嘢』，更加有效咁表達自己，諗嘢會更快，腦袋習慣咗呢個情況，知道自己需要啲乜嘢，就會轉快啲，唔再鑽牛角尖。」
被問到作為運動員會否推出一些與運動主題有關的歌曲，Ryan笑言：「如果搵到好嘅表達方式就會推出，但暫時諗到嘅方法都係好『老土』，所以都係主要唱一啲自己喜歡嘅曲風，即係慢嘅抒情歌。」
最後蔡俊彥透露將會推出新歌，「風格同上一首唔同，會幾特別，而且都有拍MV。」
