阿仙奴小勝般尼 奪冠只差一步
昨晨英超獨腳戲，阿仙奴主場憑夏維斯一箭定江山，以1:0小勝般尼，距離贏得英超冠軍只差一步。面對已確定降班的般尼，阿仙奴全場控制戰局，夏維斯於36分鐘接應角球頂入全場唯一入球。不過夏維斯在下半場中段曾出現一次粗野犯規，但VAR介入後卻僅維持黃牌判決，「兵工廠」幸運地不用少踢一人，順利保住小勝完場。
今場比賽後，阿仙奴37戰累積82分，只要曼城在香港時間今晨補賽失分予般尼茅夫，又或阿仙奴自己在周日聯賽煞科戰作客擊敗水晶宮，便可宣布贏得今屆聯賽冠軍。領隊阿迪達說：「我哋到目前已經做好咗自己分內事，喺早前輸畀曼城後，贏出所有聯賽，就算真係要等到煞科日至可以決定冠軍誰屬，我都有信心可以完成目標！」
另一方面，般尼看守領隊米高積遜賽後對球證判決感到不滿：「如果VAR介入翻睇重播，我唔明白點解夏維斯唔使被逐離場？無論喺任何角度睇，呢個犯規都應該判罰紅牌！」
