《愛·回家》倒數迎大結局 滕麗名周嘉洛撐熊家情不變
香港文匯報訊（記者 梁靜儀）TVB王牌處境劇《愛·回家之開心速遞》昨晚播出第2807集，即將迎來大結局成為城中熱話。無綫娛樂新聞台連日走訪錄影現場，繼前晚直闖「初戀Café」後，昨晚主持王鎮泉（泉叔）到訪「熊家」，訪問劉丹（丹爺）、滕麗名（阿滕）、呂慧儀、周嘉洛、楊明、陳浚霆、古佩玲及張景淳等，大談感受。
作為《愛·回家》領軍人物，丹爺談到劇集即將完結感觸良多：「點講呢，我𠵱家梗係唔捨得啦！不過諗深一層，天下無不散之筵席。」他笑言希望在新處境劇有新嘗試，更搞笑呼籲眾演員一齊報名。
阿滕則直指《愛·回家》精神長存，「我諗我個仔（指周嘉洛）係繼續會搵我！我覺得阿爸（劉丹）就唔使講，我由《真情》對到佢𠵱家，呢個（《愛·回家》）精神絕對係可以順延落去。」說畢還率領眾人大叫熊家口號：「熊家精神係咩呀？見得人拜得神，唔會失禮人！」
周嘉洛亦指熊家關係不會變：「我覺得呢家人嘅bonding（關係）係唔會走，有幾可可以同人拍到十年嘅戲，好似真阿媽、真公公、真姨姨一樣……所以，係唔會完嘅，因為我知道大家會Keep in touch。」並順道「搲撈」拍攝新處境劇：「再者新嘅sitcom（處境劇）睇吓可唔可以又舔到啲。」說畢引起哄堂大笑。
《愛·回家》暫為無綫最長壽處境劇，丹爺率熊家眾人多謝珍姐。呂慧儀更識做地向珍姐派心心。眾人還一起熊抱丹爺，場面感人又熱鬧。古佩玲則笑指未入行前曾踏足過《愛·回家》拍攝現場。另外，各演員還破天荒拆解熊家的各種秘密，包括「電視機」「Cushion」「掛牆畫」及「客廳擺設」的「暗裏乾坤」。
