忙備戰啟德騷 享受過程 鄭秀文：我會全力以赴
香港文匯報訊（記者 余雁）《You & Mi 鄭秀文演唱會2026亞洲巡迴終點站》將於7月10日至11日假香港啟德主場館舉行，兩場門票開售後全被秒殺，主辦機構因此加開7月12日終極尾場，門票今日公開發售。鄭秀文（Sammi）向歌迷承諾會盡力做好今次演唱會：「我嘅第一次啟德演唱會，會全力以赴。見到大家對呢個演唱會咁大力支持，畀咗好大嘅力量同好正面嘅鼓舞，我一定會做好自己。」
上月完成兩場吉隆坡站演唱會後，Sammi展開了十天的休假，笑言每次回想與吉隆坡站觀眾互動的快樂，都有種令她「飄吓飄吓」的感覺，身體在休息，但思想上仍然亢奮，她說：「呢十日假期，我不斷有諗啟德show嘅細節同內容，因為完咗啟德，仲有好多工作要做，所以呢十日嘅小叉電非常重要，體力亦恢復得唔錯。最緊要係食咗好多自己好想食嘅嘢，例如肥膩同煎炸嘢，所以呢十日相當之享受。」
沿用澳門騷流程再提升細節
Sammi近日重回工作崗位，每天竭力為啟德演唱會積極備戰。對於每一個細節和流程，她都希望做到最好，說：「由於呢個係You&Mi演唱會亞洲區終站，會沿用上次澳門站嘅rundown，有睇過嘅人都好鍾意，所以啟德站會用呢個rundown去出發，但會喺既有嘅內容入面，一啲細節和鋪排上會有所提升，所以呢個係我畀自己同團隊嘅一份功課。」
正如Sammi所言，要完成三場啟德大型演唱會，體力輸出龐大，自律的生活作息和積極練歌排舞是非常重要。Sammi透露：「近排我嘅生活作息好有規律，每日起身就會做心肺體能鍛煉，因為呢種表演方式體力需求係好大，所以要確保自己身體應付得到，除此之外，練歌練聲都係好基本，仲有排舞、好多嘅會議，因為演唱會有好多嘢需要琢磨商量，同步又開始為新唱片進行錄音工作。雖然好忙，但我心態上係好愉悅，因為每當我向着一個目標進發，我會好享受過程，可以畀到自己好多正面嘅能量，係一種好開心嘅過程，所以我會好enjoy。」
