盼鼎爺家事用愛解決 李司棋：本是同根生
香港文匯報訊（記者 梁靜儀）李司棋昨日出席活動，席間推介長者優惠，被問到她是否很慳家時，她坦言自己雖然半退休，但仍有工作收入，有時都會亂買東西：「買完返屋企就後悔，同自己講唔會再買，手袋呢啲不在話下，但有時會買公仔，買到屋企都冇位放，以前因為衫多會租貨倉擺嘢，但𠵱家唔會，因為去貨倉要有好好體力，搬東搬西。」她謂後來發覺有些衣服，現已穿不下，之後慢慢開始轉送給人，令自己減少罪惡感。
近年轉型做KOL的司棋姐，對所獲的獎項亦有保現留，她說：「近年開始做Ig後，攞到啲獎就唔捨得丟，因為無諗過自己會拍片，我以前係唔會揸相機出街嘅人，但𠵱家就會拍下嘢，會用手機拍。」她又叮囑大家不要在街上吵架：「有時網上見到大家嘈交，真係忍一忍，會被人影低，睇到就覺得唔值，真係會被人影。」
談到曾跟她合作的施明上月離世後，一對孖仔李泳漢和李泳豪兄弟反目，李家鼎（鼎爺）更大爆被大仔李泳漢「榨乾」。司棋姐表示希望李家一家人可以用愛去解決問題：「佢哋會有辦法解決，有樣嘢係愛，豪仔本身係好有愛，佢一定可以用佢嘅愛去建立返家庭。老人家話人心肉做，可能有時會聽太多，想法會偏向一邊，相信慢慢會明白，可以用愛同時間，大家一家人，本是同根生。」談到鼎爺暴瘦？司棋姐關心地說：「點解會咁瘦？要注意吓，因為𠵱家太多人關心佢，暫時我哋唔應該搵佢。」
