阿Sa認愛三個月 閃嫁細十歲教練
阿嬌祝白頭到老早啲生B
蔡卓妍（阿Sa）昨日無預警下於社交平台宣布嫁給教練男友林俊賢（Elvis），婚訊震撼整個娛樂圈。阿Sa晒出二人戴着婚戒、穿上婚紗的合照，甜蜜報喜：「恭喜我嫁你，恭喜你娶我，以後請多多指教，多謝大家的祝福。」字字幸福洋溢。
阿Sa從公開戀情到宣布結婚，不過短短3個多月。據悉，Elvis比阿Sa年輕10歲，曾是英皇藝人關智斌的健身教練；阿Sa在2025年11月22日生日當天，貼出自己與Elvis的合影，戀情首次曝光，其後二人曾一起在紅館看演唱會。今年1月，阿Sa和鍾欣潼（阿嬌）以Twins組合現身活動，當記者問及她的緋聞男友Elvis時，阿Sa大方指「其實可以刪除緋聞兩個字」，首度公開承認戀情。3月期間，阿Sa表示已帶男友見家長及同居。
43歲的阿Sa嫁得有情人，圈中好友紛紛送上祝福，Twins好拍檔兼好姊妹阿嬌第一時間送上祝福：「恭喜我個最佳拍檔，好開心係生活中佢終於搵到一個最佳拍檔。由第一日聽佢同我講，我就好激動好感動，𠵱家講番都係好感動，祝佢哋新婚快樂！白頭到老永結同心，快啲生個BB啦。」
Mani透露親朋好友見證婚禮
關智斌恭賀說：「見到佢搵到一個可以令佢開懷大笑、畀到安全感佢嘅人，真係好感動。」經理人Mani亦表示：「當日所有最愛佢嘅人、最close嘅摯愛親朋包括我，都喺現場見證。其他唔方便透露。」
阿Sa多年來情路崎嶇，2010年自揭2006年秘婚並離婚；其後與陳偉霆展開5年姐弟戀，因聚少離多及外界壓力分手；再與「百億麻雀館太子爺」石恒聰拍拖，可惜最終也無疾而終。
