利雲特搏命 頂得住愛斯賓奴
西甲第33輪，第12位愛斯賓奴迎戰尾二利雲特。主場出擊的愛斯賓奴狀態極度低迷，踏入2026年聯賽15戰未嘗一勝，近5輪輸了4場，加上護級壓力亦未如利雲特重，今仗主場出擊亦難睇好。利雲特為救亡每戰必拚，尤其近兩個月踢起信心狀態大勇，今夜作客有力延續近期強勢，受讓吼﹝+1﹞讓球客勝。（NOW 632台周二3:00am直播）
利雲特自去年底邀得葡萄牙主帥路爾斯卡斯杜救亡後，放棄一貫死守戰術，鼓勵改踢進取搶攻踢法，為球隊帶來轉機。球隊在他上任前，今季只贏過榜尾的奧維多，但上任後至今已贏出7仗，尤其近兩個月7戰4勝2和1負狂搶14分，現時只落後尾三及尾四的西維爾及艾爾切兩至3分，尚餘6輪賽事，一切都變得大有可能。愛斯賓奴上半季表現強勢，一度以為有力挑戰下屆歐戰資格，但踏入今年卻徹底崩潰，既攻不銳亦守不穩，近仗所見鬥志全無改善，未有跡象重返勝軌。
