反勝修咸頓 曼城闖英足盃決賽
曼城昨晨於溫布萊球場上演的英足盃準決賽，在尾段一度落後下，反勝英冠球隊修咸頓，驚險地闖入英足盃決賽。
面對之前淘汰阿仙奴的「黑馬」修咸頓，正選陣容收起夏蘭特、貝拿度施華和馬克古希等主力的曼城，未有如預期般佔盡上風，更在下半場79分鐘，被修咸頓中場芬恩艾薩斯先開紀錄。落後之下，曼城似乎才如夢初醒，先是82分鐘由後備上陣的謝利美杜古扳平；到87分鐘，中場尼高干沙利斯離門30碼施放冷箭，皮球直飛入網，曼城終憑藉這記世界波反勝。
曼城主帥哥迪奧拿賽後大讚功臣謝利美杜古的表現：「謝利美嘅能量幫咗我哋好大忙，佢嘅成長令影響力有顯著提升，依家已經成為一位極具威脅力球員。」在早前已贏得英聯盃冠軍下，曼城目前仍有機會在本季榮膺本土「三冠王」，哥帥對此回應指：「球隊仲有5場聯賽同一場盃賽決賽未踢，依家唯一要做嘅就係努力去贏盡呢啲比賽，只要輸其中一場，我哋就好可能同冠軍無緣。」
