「金牛」包香口膠隨街丟 網友笑謔旨在慳罰款
正所謂「貧窮限制想像」，有跑友近日在社交平台分享奇聞趣事，憶述在堅尼地城跑步發現有人竟將千元鈔票當紙巾用，包着香口膠隨地丟棄，驚嘆「港島嘅人係咪真係有錢到咁？」帖文錄逾百萬次瀏覽，網民笑言「正常啊，堅尼地城吖嘛。如果唔係點堅離地？」「紙巾係窮人用」，有人笑謔此舉旨在慳錢，「（香口膠）吐在地上要罰3,000，用1,000包着，慳咗2,000了」。
樓主日前在Threads發帖寫道「堅尼地城跑跑吓步見到張1,000蚊紙，原來有條友（有錢人）用咗嚟包香口膠。」相片顯示該張千元鈔票被摺皺棄於地上，打開發現內裏包着吃過的香口膠。樓主最後特別利申：「放番喺地下」，沒將「金牛」據為己有。
不少網民和應樓主認同港島富人多，「你喺堅尼地城呢啲富人區梗係多有錢佬」、「成件事係個有錢佬用1,000蚊嚟當清潔費」；並爭相發揮想像力：「會唔會係求救信號？喺高處掟落街，用香口膠有少少重量」、「降頭？」「借運？」「邊有咁大隻蛤乸，有機會係邪術，千祈唔好執呀！」
疑是練功券非真鈔
亦有網民理性分析指「咁有公德心包起舊香口膠，但又隨地掉好矛盾，而且依家都好少見人食香口膠，成件事好怪」，部分更質疑「金牛」並非真鈔，「練功券嚟？」「有假錢？」甚至懷疑這只是樓主「自編自導自演」擺拍「博流量」，有人斷言「OnX先信」。
本港鈔票屬發鈔銀行所有，任何人塗污、毀壞、在鈔票簽名或燒毀鈔票皆屬違法，最高刑罰入獄10年。而根據香港法例，公眾地方亂拋垃圾可被定額罰款3,000元。此外「執錢」屬刑事罪行，可能觸犯盜竊罪，最高可判囚10年。
