《尋秦記》食白果 古天樂暖心慰粉絲
藝人古天樂（古仔）、宣萱主演的電影《尋秦記》上映以來氣勢如虹，並獲得今屆香港電影金像獎11項提名，惟最終遺憾未有獲獎，有網民在社交平台發文，替《尋秦記》食白果感到可惜，獲古天樂罕有親自回覆安慰。
古天樂前日（19日）現身金像獎場地時，被問到會否搞慶功，古仔開玩笑指：「冇獎就㷫、有獎就慶功！」騷後大批網民留言戥古天樂及整個團隊不值，頒獎禮白坐了一晚，「點解尋秦記會一個獎都冇？」「一套橫跨咗25年咁用心搵番晒原班人馬、排除萬難先上到嘅製作，以為點都會有一個大獎。」「勁慘佢哋白坐咗一晚」由於群情相當洶湧，古天樂特別在網上親自留言回覆：「咪住先，大家唔使咁激動！其實係咪得獎真係好小事！最緊要係你哋喜歡同支持！我哋會繼續盡力拍好電影！」古仔明顯並沒有為食白果感失望，還反過來安慰粉絲，望大家「降溫」，不要太激動。
