外賣油菜$24得6條 樓主被嘲付智商稅
有平民餐廳驚現外賣天價油菜，每條菜心盛惠4元！有食客近日在Threads發帖指早前叫外賣花費24元點一份蠔油菜心，打開餐盒只見有6條細小菜心，平均每條值4元，不禁問「香港物價幾時變到 24蚊6條菜心？？」網民慨嘆「6條真係太少」、「好過分」，有人坦言「出去食嘢叫菜（係）智商稅」。
帖文附有餐單及外賣平台回覆樓主查問的截圖，確認餐廳指油菜分量屬「正常出餐」。帖文引發熱議，網民普遍認為價錢高得過分，大鬧「分量少得可憐」、「貴精不貴多，名副其實搵笨」，有人講笑說「外賣員偷食囉」、「可能係京都和菜，賣貴幾倍」；部分毒舌網友更揶揄樓主「水魚俠」、「冇寫重量冇寫數量，畀一條你都得」。
街市賣12蚊兩斤可食足一周
有網民看不過眼，索性建議樓主自行煮菜食用，「自己煮最平」、「街市12蚊兩斤，一條友食足一星期都仲得」、「唔識煮飯冇問題，烚菜好簡單」；又或可幫襯兩餸飯，相對更划算。
