阿佘食極唔肥 被讚千年佘腰
獲譚耀文讚落淚時間超精準
區永權主持的《一周星星》邀請主演《正義女神》的佘詩曼與譚耀文擔任嘉賓，向來快人快語的阿佘，在節目中逐一回應多個傳聞與熱話，包括「高超落淚技巧」、「7日時間背100頁對白」及「食極唔肥」等。對於食唔肥一事，身旁的阿譚忍不住問：「可唔可以借啲DNA嚟驗吓？」相當搞笑。
談到喊功，阿譚大讚阿佘落淚時間精準得驚人：「佢真係可以去到邊一秒要喊，就撳掣可以喊㗎嘞。」區永權聞言即打蛇隨棍上，追問曾有《宮心計》幕後人員透露，阿佘對劇本時不但會問「邊一句要喊」，更會問「要左眼還是右眼（落淚）」。阿佘指由於拍攝《宮心計》時因監製要求極高，壓力爆煲，拍畢後仍因壓力問題失眠長達半年。後來向中醫求診，得到的答案是：「好似跑車開咗turbo唔識停。」
至於被閨蜜「七魔女」之一的文頌嫻「指控」為何食極都能擁有「千年佘腰」，阿佘忍不住開心分享：「我真係食極都唔肥，同埋我一定要食消夜！如果我唔食消夜就瞓覺，多過兩、三日，我都係會瘦㗎。」阿佘其後透露擁有這種體質的原因，全因一次極致的拍劇經歷。
靠抄寫背熟劇本
此外，阿佘應何廣沛要求，分享她的「超認真劇本背默大法」：「我坐車係唔講嘢㗎，咁我前面有一疊通告單，我就會反轉佢，係咁寫係咁寫。寫完一次背完喇，再寫一次、再寫一次、再寫一次。即係一段對白我寫五次、六次，咁就一定記得喇。」
