【粵語講呢啲】「唔使問阿桂」的前世今生（1）
梁振輝 香港資深出版人
廣東人有個口頭禪：
唔使問阿桂
也有寫成：
唔使問阿貴
在未述說其「前世今生」之前，我們須弄清以下幾點：
1. 「唔使」不能寫作「唔洗」或「唔 駛」。
2. 「唔使問」的原因為何？
3. 「阿貴」或「阿桂」是何許人？
4. 是「阿貴」還是「阿桂」？
究竟在什麼場景下用得上「唔使問」呢？
「唔使問」，即不用問，那為何不用問呢？
直覺告訴我們，如果是一些顯而易見，為人所共知（連3歲小孩都知道的東西）又或事實已擺在眼前，如：
閃紅燈時不要橫過斑馬線
把手放進沸水裏是會燙傷的
攝氏10度的氣溫下上街要穿保暖衣服
潛水一粒鐘冇氧氣設備會窒息
年屆70一定享有政府提供予長者的福利
違例泊車會遭檢控
家長把幼兒獨自留在家中屬違法
香港是中國的一部分
諸如此類，何須問呢？
每說到「唔使問阿桂」，一般人多帶點不屑或輕蔑的口吻，如：
呢單衰嘢，「唔使問阿桂」，梗係輝仔條友做㗎喇！
你咁肯定？
成班同學，得佢一個至搞鬼，仲使問！
真係「唔使問」，佢去咗訓導處自首喇！
如此看來：
「唔使問阿桂」指一些壞事，通常是那些做慣壞事的人做的，因此事情的來龍去脈也不必多問了。
其實對於一些有事實或跡象根據的事物，「唔使問阿桂」這個話語也派上用場，如：
阿梁個仔小一嗰陣就check到IQ有成140，之後會考咪攞十條A囉；知唔知佢而家叻成點呀？
「唔使問阿桂」，學業成績梗係嘭嘭聲喇，話佢第日出人頭地點會冇人信呀！
好大機會嘅，不過你冇聽過有人「窒」孔融嗰句：
小時了了，大未必佳
咁你問下佢老豆而家佢點先至講喇！
總而言之：
「唔使問阿桂」指事情結果已清晰明確，既然如此就不用再求證他人。
