林峯操肌練下盤 備戰拍城寨終章
澄清睇中醫只為調理身體
久未公開露面的林峯昨日（31日）出席又一城展覽活動，現場有大批粉絲到場支持，他與粉絲互動玩遊戲，氣氛十分熱鬧。他透露將於兩三星期後入組拍攝《九龍城寨之終章》，目前已操肌一段時間，又指今次會打得再激烈點，笑言希望畀人打少點。
林峯日前被拍到睇中醫，引起網民擔心其健康，他澄清只是調理身體，認為網民反應過大。對於被指憔悴，他直言：「我不知幾精神，瘦啲咪好囉，肌肉脹過之前」，目前正堅持操練肌肉、食蛋白粉增肌，避免開拍後無時間鍛煉導致肌肉流失。
林峯表示，因劇中有大量跑戲和打戲，故主力鍛煉下盤腿功，確保動作穩健。拍攝預計持續至7月，他表示夏天拍攝會更辛苦，「體感辛苦啲，冇所謂，反正都會成身汗」。談及家人，他透露拍《九龍城寨之圍城》時，太太和女兒格格曾探班，今次亦有機會。他稱上次女兒見到爸爸被打嚇到喊，現今女兒長大了點，夠膽看他拍打戲，更會追問細節，「畀佢知老竇搵錢唔容易。」他又指時下教學課程跟他以前讀書不同，內容屬超前班，自言唔識教，還是交給老師。
相約齊睇《尋秦記》大結局
近日無綫重播劇集《尋秦記》，古天樂日前表示會看大結局，林峯笑說聽聞會一齊睇大結局，好耐未試過，對上一次是《家好月圓》，已經是十幾年前的事，不過今次重播自己都冇時間重溫。另外近日網民熱烈討論《刑事偵緝檔案IV》中，古天樂和宣萱的多段接吻鏡頭，掀起話題，林峯表示：「唔睇呢啲，拍戲啫！一個阿哥一個家姐，成件事好笑。」
