釀鮮蟹蓋驚現瓷殼製 網民質疑違商品條例
有食客發帖分享日前到高級中菜廳用膳的「得意」經歷，憶述食到其中一道菜式「香酥炸釀鮮蟹蓋」時，食至一半突然發現手中蟹蓋竟非天然蟹殼，懷疑是由瓷製而成，急急找來菜單一看，留言慨嘆：「原來鮮蟹蓋有新定義」。帖文引發網民熱議，有人直指食肆「違反商品說明條例」，但亦有不少人力撐改用瓷殼正確，認為較不斷回收蟹蓋「循環再用」更衞生。
有食客在社交平台Threads發帖，指日前食中菜時「食吓食吓發覺個蟹蓋邊好得意，先發覺原來係瓷製嘅」，即時查看菜單，根據其上載菜單顯示，該道菜式名為「香酥炸釀鮮蟹蓋」，樓主無奈發現鮮蟹蓋的「新定義」後，就拍照傳給在飲食界略有名氣的舅父一看，對方看罷不禁嘆道：「依家飲食界冇人才」，樓主則回答說「唔係冇嘅，係我壇數唔夠遇唔到啫」。
愛衞生網友：好過用萬年蟹殼
帖文單日錄逾20萬次瀏覽，不少網民鬧爆食肆「違反商品說明條例」「1823投訴」，有搞笑網友則替食肆解畫：「鮮蟹肉+陶瓷蓋=鮮蟹蓋」「鮮蟹還鮮蟹，蓋還蓋」。
惟亦有不少網友從衞生角度考量，「都好過二手殼」「向好嗰面諗，都好過佢回收隻真蟹殼嚟循環再用」；有網民直言「以前啲蟹蓋都係叫番嚟，邊有咁多時間真係用隻蟹起肉畀你食，其實依家呢個做法已經衞生咗，好過用萬年蟹殼」樓主也留言贊同，指蟹起肉「好花工夫」，但認為「菜牌都要配合吓」，避免菜名用詞偏差引發誤會，不少網民亦認同說：「其實將菜單鮮蟹蓋改番做蟹肉乜乜乜成件事咪舒服晒！」「可以定為蟹蓋肉，咁就算冇膏都冇問題」。
