林秀怡期望挑戰變態殺手角色
林秀怡演出過無數劇集，她亦有一個想重新演繹的角色，就是2019年播出、由楊明和高海寧領銜主演的《婚姻合伙人》，而她與陸永飾演一對歡喜冤家。林秀怡回憶道：「當時我同陸永飾演情侶，整套劇嘅氛圍輕鬆好玩，可惜當時我比較害羞，未能完全放開同佢互動。雖然監製已經收貨，話效果沒問題，但以我自己角度，其實有很多場口都想再拍一次，做得更好。」她續指：「在劇中，我飾演嘅角色係個站在潮流尖端的女仔，染咗一頭金髮，形象花弗，但內心其實對愛情好專一。相隔多年，我好想知自己再演呢個角色，會同當時有咩唔同。」
林秀怡過往常演「醒目女」，她笑言：「可能公司覺得我個樣太醒目，經常搵我做呢類角色。其實任何角色我都想試，多年來演過吸毒、未婚媽媽、壞女孩、乖女等，都想挑戰吓蠢蠢鈍鈍、傻更更的角色，甚至極端少少，演一個變態殺手。因為我塊臉比較有肉，唔知做唔做到殺手嗰種兇狠樣，而且咁有肉地又可唔可以cool得起，哈哈！」
