朱晨麗角色恐怖 岑麗香苦練中文
寰亞新劇《重案解密》改編真實奇案
即將開播的寰亞劇集《重案解密》監製梁家樹與導演蔡晶盛，日前率領劇中演員岑麗香（香香）、朱晨麗（朱朱）、譚旻萱、陳嘉寶、何嘉莉、洪永城、林子善和陳少邦等亮相「寰亞之夜」。新劇改編自香港過去15年間，全城震撼的真實奇案，並以單元形式呈現，再由男女主角苗僑偉與香香貫穿所有故事線。
洪永城與陳少邦劇中飾演同袍，一忠一奸，洪永城說：「我係一個做咗好多壞事嘅人，喪盡天良，當然佢做嘅時候就覺得自己好有型，但點知其實佢係做緊啲好唔正確嘅事，最終俾三哥（苗僑偉）同埋香香治理我！」
朱晨麗透露其劇中角色亦有大反差，連她本人亦感到毛骨悚然，「劇中我叫瑤瑤，係一個好善良嘅媽媽 ，遭遇一啲事後性情大變，希望俾觀眾見到另一面嘅朱晨麗。最大挑戰係連我自己都『嘩，有冇咁恐怖？咁變態？』」身旁的香香立即認證：「我有睇片呀，呢個人真係咁恐怖，做唔到！」朱朱感謝導演、攝影師配合燈光營造氣氛。
林子善與苗僑偉爆家庭紛爭
林子善則爆香香在現場勤力背廣東話對白，劇本都被她做的記號畫到五顏六色，最佩服她同時還要跟兩名囝囝視訊。香香笑言，自己是兒子在準備功課上的榜樣，又指拍劇時雖然很想與大家聊天，但又擔心忘記對白，因此不敢鬆懈。子善亦透露，自己在劇中與苗僑偉有不少家庭紛爭戲，劇情緊張刺激，因此對劇集播出格外期待。
