阻戲迷葵芳站打卡 兩長者拒讓路攬炒
港產片《夜王》票房大捷，造就「葵芳」一角意外爆紅，連港鐵近日亦將葵芳站英文名改成「Franchesca」，並附上「葵芳」劇照供戲迷打卡。不過該打卡熱點近日卻爆出突發事故，有網民發帖講述兩位站在打卡位前的長者被影迷要求讓開拍照，因不滿語氣無禮，竟攬炒報復站在廣告牌前阻人打卡，驚動港鐵職員介入跟進，引發網友莫大回響。
有網民前日（15日）在社交平台Threads發帖並上載兩張相片，其中一張顯示兩名長者站在「葵芳」打卡位前，另一張則見兩名港鐵職員介入跟兩人對話。樓主提到事源有市民想在廣告牌前打卡，要求兩位長者讓開，但指兩人首先覺得「唔知呢度有乜嘢好影」，繼而不滿被無禮看待，「第一個叫佢哋行開嘅人，佢兩老話佢好冇禮貌，所以佢哋唔鍾意，所以就要攬炒，所有人都唔俾影」。
港鐵職員介入 網民批唯老獨尊
有港鐵職員事後向傳媒透露，當時兩名長者站在打卡點前疑用手機查看地圖，數人上前要求讓開拍照不果，擾攘十多分鐘，職員其後收到求助遂跟長者溝通。事件惹來大批網民留言，大多認為兩名長者縱有不滿，也不應攬炒阻他人打卡，留言狠批「唯老獨尊」「呢兩老真係抵畀人鬧，真係唔化」「夠薑咪24/7企喺度囉」，不少網友甚至用上歧視字眼「廢老」形容兩人。
不過亦有網民同情及支持兩名長者，「如果真係冇禮貌，係好乞人憎的」「其實幾cute，呢2老憤世嫉俗，同我一樣憎人冇禮貌，我諗我老咗都可能係咁」，有人分析指：「嗰啲叫老人家行開，只係為咗影張錯漏百出廣告相嘅人，先係真正嘅冇教養。」惟亦有網民嘆道：「都幾十歲，有什麼人沒見過，就算對方無禮貌，是對方教養問題，萍水相逢，行開不理就算，何必浪費別人和自己時間。」有人則公平地說：「打和啦，禮貌同態度好重要，不偏幫！」
