蔡蕙琪憑「葵芳」爆紅 自由身積極接Job
電影《夜王》氣勢如虹，港澳地區票房已衝破9,000萬港元；而眾多角色之中，除了主角「歡哥」（黃子華 飾）和「V姐」（鄭秀文 飾）受歡迎外，還有一位獲封為《夜王》MVP演員的「葵芳」蔡蕙琪（Kay）亦非常突出。Kay近日受訪時笑言：「以我今年嘅年紀，應該啱啱好係一個人嘅事業，需要去起步嘅年齡，所以對我嚟講係一個好大嘅支持。」
提到戲中一個爆笑場面，就是「葵芳」喺出場前剃毛同時畫眉，阿Kay就笑言是爆肚：「因為當時阿Fish（廖子妤）飾演嘅Mimi媽，其實係教緊我畫眉，同一時間，我就喺度剃緊毛，所以我一手攞住眉筆，一手攞住剃刀，所以先至有這一段。」
說到將來的發展，阿Kay準備就緒，「我依家係自由身嘅演員，我冇隸屬任何劇團及公司，十八區我都會去！唔只留喺葵芳！任何劇團，任何電影，有工作就搵我啦！唱歌就有啲抆水，音樂劇都可以考慮一下！」
