Twins晒馬甲線 親證非AI修圖
阿Sa透露日日與關智斌加操
英皇娛樂慶祝成立25周年進行一系列活動，其中核心盛事為5月在啟德體育園舉行「25+群星演唱會」，日前「英皇娛樂25+HAPPY BIRTHDAY慶典」推出第二批藝人宣傳照，當中女子組合Twins蔡卓妍（阿Sa）、鍾欣潼（阿嬌）的馬甲線引起網民熱烈討論，有網民質疑是否AI P圖，官方昨日（10日）釋出的拍攝花絮短片所見，兩人身形fit爆，馬甲線絕對是真材實料。
從花絮短片中可見，Twins兩人狀態大勇，至於身形經常成為討論焦點的阿嬌，明顯見到她的腹肌線條分明，腰間馬甲線清晰可見。對於網民質疑官方P上馬甲線，阿嬌就話：「絕對唔係AI啦，我都真係好努力㗎，有片有真相。」阿Sa則謂：「日日都同Kenny（關智斌）一齊加操！」
歌迷期待「龍虎豹」合體
另外，不少網民留言想「龍虎豹」（容祖兒、阿Sa、阿嬌）合體表演，經理人霍汶希（Mani）回應：「今次英皇家族25+演唱會會有好多藝人crossover，密切留意我哋官方公布。」
今年除了是英皇娛樂25周年，同時亦是Twins出道25周年。早前舉行的「TWINS 25週年1314新春限定粉絲見面會」叫好叫座，兩場騷都跟fans玩到癲。見面會結束後，世界各地的fans都敲碗要求加開巡迴場。不過錯過了的fans亦不用灰心，目前阿Sa阿嬌密鑼緊鼓為「25+群星演唱會」做表演準備，歌迷可把握機會撲飛。
