英足盃爆冷 維爾港踢走新特蘭
昨晨英足盃出現爆冷賽果，英甲球隊維爾港越兩級挑戰成功，憑賓韋尼上半場頭槌得手，1:0擊敗英超新特蘭，自1954年後再打入英足盃八強。值得一提的是，賓韋尼在今屆英足盃已第3次攻入致勝球。另一場16強賽事，英冠球隊修咸頓亦以1:0絕殺英超富咸。
維爾港於上星期在第4圈比賽淘汰英冠球隊布里斯托城。今場迎戰新特蘭，維軍憑賓韋尼上半場先開紀錄，下半場則有門將屢救險球，最終維爾港成功爆冷。入球功臣賓韋尼自言是新特蘭「東北死敵」紐卡素的忠實粉絲：「我少年時就經常一家人睇東北打吡，今次可以射入致勝球，對我全家人都好特別，我都係啱啱至知球隊入咗八強，好神奇！」賓韋尼今場入波後，特別做出紐卡素傳奇舒利亞的招牌慶祝動作，賽後更獲舒利亞轉發相片致敬。
另一場16強戰，英冠修咸頓憑路斯史超活於補時射入12碼，作客1:0絕殺英超的富咸。修咸頓及維爾港成為今屆八強中，僅餘的兩支非英超球隊。
