譚嘉儀巡唱完成 元宵派水着福利
歌手譚嘉儀去年離巢TVB後，轉做獨立歌手發展，日前剛完成了《陪著你走巡迴演唱會》第三站澳門場，獲圈中好友黃嘉雯、郭柏妍、陳庭欣及鄧依婷等捧場。嘉儀在個唱中盡展渾身解數，不但大騷歌技，又換上多套各具風格的造型。事後嘉儀在社交平台發表感受，「真係好enjoy今次嘅演出！今次加咗多啲快歌嘅環節，好正，好有feel。」
而前日（3日）適逢元宵佳節，心情大好的嘉儀大派福利，在社交平台分享出之前拍攝的水着：「元宵節快樂，早前去馬來西亞拍攝『歲月如歌』，好開心酒店嘅泳池可以見到雙子塔啊，發現咗呢個靚靚嘅打卡位」，相中身穿黑色比堅尼的她坐在泳池邊，盡情地展現姣好的身段，配上她燦爛的笑容及背景馬來西亞的名勝地風景，獲粉絲大讚靚人靚景極之吸睛，更有粉絲幽默留言指到其中一張相中嘉儀的牙齒白到反光，令嘉儀親自搞笑回覆：「係，有金牙咁，係時候接牙刷廣告。」
