食麵現金埋單欠10蚊 女生獲好心人相助
一名女生日前幫襯深水埗一間人氣車仔麵舖，點好70元4餸麵準備付款，才驚覺不收八達通，身上現金也只得60元，不知所措之際，排前面的陌生男子竟主動代付10元差額，且不用歸還，暖心舉動讓她大讚「香港其實真係好多好人」，獲不少網民認同。
樓主在Threads發帖指，當日發現麵舖只收現金時，「銀包摷來摷去都係得60元現金」，幸獲排前面男子相助，「真係超唔好意思。我話我過去銀行撳番畀佢，佢話唔使。」故發文公開「好人好事」。
不少網民均認同樓主所言，「係㗎，香港其實仲有好多好人，只要感覺您真係需要幫忙，香港人好願意出手幫助！」「香港人都是外冷內熱的。樂於助人。要讚」「下次幫番他人，將愛傳開」。亦有網民認定「男女有別」，「見你係女，如果係男，應該唔會咁做」「掉轉係我肯定要去洗碗啦」；更有網民扯到支付問題，慨嘆「香港越來越多食店只收現金！」有人索性建議：「以後出街袋定1千幾百比較好！必要時攞嚟救命都好呀」。
