鸚鵡甜品店受驚咬人 主人晦氣道歉掀爭議
政府擬放寬狗隻進食肆，寵物共融議題備受關注。近日有女生在Threads發帖，公開母親在甜品店遭鄰枱客人的鸚鵡襲擊受傷的經歷，樓主不滿女主人事後態度輕佻，僅以一臉晦氣及不屑態度講「對唔住囉」，認為道歉欠誠懇，終報警求助。不少網民力撐樓主，批評主人攜寵物到食肆有責任好好看管，亦有人嫌報警小題大做，激發熱議。
樓主憶述日前與母親光顧九龍城一糖水店，坐下發現鄰枱有食客放鸚鵡在膊頭，好奇下舉手機拍攝，鸚鵡突飛起「整到」其母親。母女商議是否轉枱，鸚鵡再失控亂飛，還直接降落其母膊頭，並咬其背脊。其母受驚推開鸚鵡，主人才拉繩制止。樓主轉枱後發現母親膊頭驚現抓痕及「紅咗」，加上不滿主人僅向其母低聲說句「唔好意思」，連甜品也沒吃便憤然離開。
樓主行經主人身旁不禁問：「有誠意啲講句對唔住都好應該呀？」對方卻用「胡定欣劇中個嘴臉」拋下一句「對唔住囉」，樓主即被焫着，形容該道歉為「Exact7ly最L晦氣嗰種」，忍不住說「你真係very good」，主人鄰座男子即回敬「多謝」。樓主出門口再檢查母親傷勢後決定報警。警察到場向雙方和甜品店了解經過並嘗試調解，樓主最終獲發附案件編號的紙條，以便若母親傷勢惡化可用作民事索償。
樓主報警強調非為索賠
樓主留言強調報警非為索賠，主要不滿女主人的態度，明明對方不是，「但我要求你道歉，仲好似要我求你，係我錯咁」；另日後如需民事索償也能掌握對方資料跟進。不少網民均撐樓主，「講真你撞到人都會講聲唔好意思啦，依家係你隻寵物整到人都咁西口西面，呢啲人係要整治」「咩事大佬，食個糖水都要放雀？」「撐樓主，主人態度問題，唔使畀面」。但亦有網民認為樓主不應舉機拍攝，指「隻鸚鵡可能以為你會襲擊佢」，受驚而作出反應；甚至有人說「其實只係好小事，使唔使小氣成咁？」但惹來網友反駁「唔係你俾隻鸚鵡咬，係大方啲嘅」。
