狼隊絕殺紅軍 護級未絕望
昨晨英超爆出大冷門，榜尾狼隊意外地主場2:1絕殺「紅軍」利物浦，重燃微弱的護級希望。
狼隊在今輪比賽前已有復甦跡象，主場曾先後賽和阿仙奴及擊敗阿士東維拉。是役面對紅軍，狼隊一直奮力阻擋對手攻勢，更於下半場78分鐘藉一次反擊機會，由後備上陣的洛迪高高美斯先開紀錄。落後的「紅軍」雖於5分鐘後即由沙拿扳平，但狼隊未有甘於一分收場，在補時階段全力前壓，更在補時4分鐘藉中場安達尼圖遠射時，省中客軍守將祖高美斯改變方向入網，爆冷贏2:1，賽後雖仍以30戰得16分續排榜尾，但與尾三韋斯咸差距拉近至9分，以球隊近期氣勢，後上成功護級的機會由渺茫變得尚有可能。
狼隊主帥艾華士賽後高興地表示：「球隊同我初來時比較已經判若兩隊，球員鬥志同落力程度令人驚嘆。只要大家團結一心，齊心協力，仲有可能完成護級目標。」利物浦主帥史洛自然對落敗十分失望，並不滿球隊經常在尾段失去集中力：「我哋今季輸得太多，近期仲經常喺補時被絕殺。雖然我覺得我哋係表現較佳一方，但當你把握唔到機會同失去集中力，就要接受輸波！」
