方力申談育兒 愛女名字藏密碼
藝人方力申（小方）去年12月宣布愛女Isla出世，同太太葉萱（Maple）榮升父母。已為人父3個月的小方感觸良多，昨日（26日）分享與愛女溫馨合照外，又大談為女兒改名「愛嘉」背後重大意義。
方力申回顧過去一年結婚生女的人生重大轉變，亦深刻體會「養兒一百歲長憂九十九」道理；小方早前已解釋英文名Isla，係英文「FAMILY」拆解而成，當中F代表方（Fong）、A代表Alex、M代表Maple、I代表Isla、L代表未來嘅BB，Y代表葉（Yip）。而中文名佢選用「愛」字，係因為家中掛有「愛」與「家」書法，象徵家庭係佢生活重心，同時「愛」普通話發音同Isla相近；「嘉」字則由好友陳定幫師傅建議，發音與「家」相同。小方更自爆心思︰「既然中英文意思都咁夾，所以就乾脆叫佢愛嘉啦！Isla 愛嘉，爸爸今日嘅願望就係希望你能夠一生平安、健康、快樂！」
