胡定欣拒生「馬仔」 婚後唔慣派利是
新城頒獎禮減獎項增認受性
藝人胡定欣、薛家燕、周吉佩、張與辰、鍾柔美、詹天文及黃淑蔓等昨日出席新城廣播團拜活動，吸引大批粉絲到場追星，場面相當熱鬧，定欣更透露婚後被長輩催生B。新城則趁機官宣年底頒獎禮將會減至48個獎項，增加競爭及認受性。
回復自由身的胡定欣以特別嘉賓身份亮相，獲邀上台祝酒時向DJ稱：「之前我嚟宣傳劇集，希望今年可以多啲播我嘅歌。」她又與高層馬浚偉「交換利是」及互相拜年；馬浚偉笑說：「我問佢今年生唔生B，佢話佢唔生『馬仔』喎。」
談到婚後度過首個農曆年，定欣笑言非常不習慣：「要準備好多利是，老公成日問我夠唔夠，我都終於可以派畀等咗我好多年嘅表弟同表妹喇。以前長輩都會畀大利是我，但今年已經冇再收到，我先醒起因為自己結咗婚，哈哈！（有冇被催生B？）見面都會講，但我比較希望大家祝我生意興隆同開開心心，多謝大家嘅祝福。」
計劃4月出新歌
定欣揚言與邵氏約滿後，很期待投入新工作模式，並計劃4月推出個人全新單曲，且繼續於內地舉行音樂會。問到「胡說八道會」姐妹陸續加入內地發展，她可有工作招手，定欣回應：「梗係希望擴闊版圖啦，其實除咗唱歌外，我都希望再拍劇㗎，話晒有兩年冇拍喇。（期待年尾頒獎禮攞獎？）呢方面唔會諗太多，反正我喜歡唱歌，淨係想做自己喜歡嘅嘢，冇壓力嘅。」
