蔡思貝遲大到 被寸走樣無光芒
上余德丞節目鬥嘴互窒
剛踏入35歲的視后蔡思貝（Sisley）近年劇集產量大減，但就轉型以歌手身份登台，更曾於美國等地演出，被網友力推進軍樂壇；她近日激罕亮相前緋聞男友余德丞的網上頻道節目，兩人邊食邊傾，期間更將舊緋聞、私下友好關係及趣事全擺上枱。
節目甫開始時，余德丞便指Sisley遲到足足38分鐘，令他忍不住說：「識就識咗好耐，係唔係好熟呢？又唔係，所以我都唔知應該點樣去界定呢位朋友，佢個名喺我演藝生涯中如影隨形。」雖然關係好，但余德丞一見Sisley就指她外貌變了，已不認得她，「你無咗以前嗰種光芒，我依家唔鍾意你喇。」惹得Sisley扮嬲要走人，並反爆余德丞是「巨嬰」，要身邊人遷就，兩人表現似足鬥氣冤家。
怕傳緋聞少約會
Sisley對余德丞有彈有讚，指他生活品味高如「公子」：「唔一定要華麗，但一定要好有質素。」余德丞亦表示Sisley曾是「心目中的女神」，所以見面時難免緊張。再談到傳了8年的緋聞，Sisley形容自己性格內向是「宅女」，兩人少約會是因恐懼：「以前我同你出街食飯都會傳緋聞，有呢個恐懼好正常。」節目尾聲時，余德丞問她可後悔亮相其節目，Sisley笑指：「有少少自尊心受損，但食嘢方面好滿意。」
節目播出後獲不少正評，網民留言「睇得出佢哋真係識咗好耐，先會咁自在」、「蔡思貝遲到半個鐘都唔嬲，真係好朋友先會咁。」
