關智斌澳門騷 鋼管舞展肌力
唱《眼紅館》填補遺憾
關智斌（Kenny）日前於澳門舉行演唱會，Kenny除了大展身手玩懸浮半空的Flying Pole（空中鋼管），盡展爆肌身材，還多次與歌迷真情對話，更宣布正式成立官方粉絲後援會，驚喜一浪接一浪。
演唱會一開始，大熒幕便播出去年Kenny於啟德舉行演唱會的尾聲片段，當時完Show後觀眾不停大叫Encore不肯離場，Kenny最後再次上台，但由於場地時間所限，只能唱出兩句《眼紅館》。因此今次澳門Show的Opening，Kenny特意選了《眼紅館》作為開場曲，唱完後他說：「我呢一首嘅《眼紅館》，係特別今日揀嚟開場嘅時候唱，上次演唱會因為時間關係，令到我喺2025年留下咗遺憾，所以我覺得2026年我第一時間一定要唱番呢支歌畀大家聽。」
完成Flying Pole環節後，歌迷歡呼聲不斷，Kenny大談感受，「其實我每次練呢支Pole嘅時候，都幾孤獨㗎，因為每次就算轉到暈或者升到好高、或者周身損晒，其實係冇人幫到你，你一定係要靠自己去停。」Kenny覺得Flying Pole很能表現那種無力感和失重感覺。去年啟德Show因場地關係無法做到，今次終於可以完整呈現。
現身觀眾席狂收利是
Kenny又邀請同門師妹女團VIVA任嘉賓合唱《相對濕度》。到了Encore環節，Kenny於觀眾席驚喜現身，歌迷即時瘋狂向他派發利是，場面熱鬧又搞笑。
