林愷鈴想學揸車 父嘲笑公路炸彈
藝人林愷鈴（Ashley）昨日（23日）初七人日於中環出席新春活動唱歌表演，喜氣洋洋。下星期生日的她透露會與媽媽龔慈恩一起工作並慶生，但自言即將26歲，要好好計劃未來。問到是否有結婚大計？自言單身的她則說：「結婚就冇得plan，要識到人先。唯有努力搵錢，努力儲錢先。」
已經成為業主的Ashley直言也要努力賺錢供樓，又指最大的開支是坐的士，以及叫外賣，會考慮多搭公共交通工具慳錢。講到會否買車代步？她則笑說：「新年同阿爸拜年，佢叫我千祈唔好揸車，話我會係公路炸彈，因為細個自己好大頭蝦，有時搭車都會瞓過龍，搭到去總站，所以揸車都係一個好大嘅磨練，今年嘅目標都想學車。」最近她在社交網分享讀書照片，卻被網民指她大細眼和有雙下巴，Ashley則笑說：「我的確係大細眼嘅，化妝師好叻，依家化妝技術好好，但我未至於喬裝，只係化妝啫，我都覺得我愈大愈靚㗎，哈哈。」
