巴士自製頭等艙 伯伯睇片勁enjoy
坐巴士睇手機已成習慣，但長時間拿着觀看易令手臂痠軟乏力。近日Threads就流傳一段短片，一名伯伯發揮生活智慧，竟自備橡筋將手機固定綁在扶手之上，打造出專屬的影視娛樂系統。短片所見伯伯一邊插上耳筒睇片，一邊點頭用手拍大髀打拍子，一派悠然自得，獲樓主力讚「戴耳機加分，睇吓哥哥打晒拍子幾enjoy」，網民亦紛紛表示尊重，更有人激讚「阿伯無論教養、頭腦定係品味都好有水準」。
戴耳筒欣賞 獲讚「優質$2」
帖文引發網民熱議，不少人都欣賞伯伯的生活智慧，更形容他的小天地為「頭等艙」，更多網民留意到伯伯戴耳筒睇片，讚揚有公德心值得學習，「優質$2」、「享受人生又唔影響人」、「所有老人家嘅榜樣」，有網民甚至忽發奇想：「可摸耳（可唔可以）搵呢位哥哥仔同九巴拍番條片，教育一吓大眾睇片必須帶耳機」，可謂創意無限。
