《尋秦記》慶功宴 「三弟」終極現身
票房突破8888萬元佳績
《尋秦記》電影版自上映以來氣勢如虹，港澳票房已突破8,888萬元佳績。劇組前晚（10日）在酒店舉行慶功宴，並宣布《尋秦記》Plus+多元宇宙版將於情人節（14日）正式上畫。慶功宴上除有一眾參演的演員出席，就連「三弟」劉嘉龍亦現身，成為全場焦點人物。事緣古天樂在籌拍時都一直想找他再演「三弟」一角，但苦無辦法，但原來林峯一直與他有聯絡。
古天樂在宣傳《尋秦記》電影版時，曾表示想齊集劇中所有演員（電視劇中未死的），齊齊參與電影版，其中一位是「三弟」劉嘉龍，可惜聯絡不到他。今次「三弟」成功現身，問到古天樂最終如何找到對方？「本來冇咗佢聯絡，原來阿峯（林峯）有。」至於往後仲有沒有機會合作，古生表示都可以考慮。
網民笑稱：變咗尋人記
林峯則一臉冤枉︰「佢（古天樂）都冇同我講話要搵劉嘉龍，係上次做訪問先知」問到可有請他睇《尋秦記》？「自己買飛啦，我都係自己買之嘛。」今次慶功專誠找一眾劇中演員出席，林峯都覺得非常有意義，「仲爭一兩位，例如呂不韋鋒哥（郭鋒），之前有食過飯，但今日佢唔得閒，仲有姚樂怡都唔得閒。」問到飾演趙高的王偉樑，很多網民都想他重現，林峯就表示呢位真係未有聯絡，並立即落閘：「喂，咪住先，我唔係負責尋人喎。」有網民笑稱「尋秦記變咗尋人記」「下次搵人第一時間問咗林峯先！」
