感激遇恩人鼓勵 王敏奕三棲發展
現年34歲的王敏奕，早前在TVB台慶頒獎禮憑劇集《新聞女王2》中「劉艷」一角當選「最佳女配角」，演技備受肯定。她近日接受訪問時直言最多謝是恩人佘詩曼（阿佘）的無限鼓勵，又預告今年會循歌、影、視三棲發展。
曾參演不少劇集及電影的王敏奕認為攞獎要看緣分，現時正是一個好時機，特別提到遇上佘詩曼，對方窩心的鼓勵為她加添不少力量，「佢真係我嘅恩人，畀咗好多鼓勵我，亦因為佢美好嘅讚賞，令大家會去了解王敏奕係一個點樣嘅演員，所以好多謝佢，佢從來都係好無私奉獻！」
不過她坦言與阿佘的相處保持了一點距離，「對住佢仲會怕醜，對住尊重嘅人喜歡保持少少距離，就好似小Fans咁。」阿佘曾預言王敏奕會是未來的視后，問到目標是否朝着視后進發？敏奕說：「繼續努力，不斷去進步，仲有好多空間、角色可以嘗試，但獎項唔係一個目標，最重要係角色打唔打動到人，做好演員本分，其他榮譽就會自然出現。」
