帶娃坐長途機 麥明詩親授心得
現年34歲的「十優港姐」麥明詩（Louisa）2024年3月與機師老公盛勁為結婚，去年3月宣布BB已經順利出世，並不時在社交網分享當新手媽媽的日常生活點滴以及心情，早前她出Po講述獨自帶囝囝搭飛機經歷，形容2個鐘的機程似搭足8個鐘。
有網民前日（3日）留言查問，「帶6個月BB坐13個鐘飛機，有咩要注意or準備會更好？」麥明詩昨日（4日）親自回覆對方，「起飛餵奶，先用少啲嘅熱水開，留啲空間睇下真係餵嘅時候加熱水定（蒸餾）常溫水。因為有時你以為起得飛，開定支奶，點知原來架機兜嚟兜去都未take off，跟住支奶又凍晒……另外帶定啲吱吱裝嘅baby food，in case bb好快飲晒啲奶都有嘢俾佢啜住平衡耳壓，帶勁多消毒濕紙巾，始終十幾個鐘，佢又好奇，點都要畀佢掂吓搞吓周邊啲嘢，所以我會先抹晒成個area」，回答認真又詳細，獲不少網民稱讚。
