阿仙奴再拆「車」 闖英聯盃決賽
昨晨英聯盃四強次回合，阿仙奴憑倒戈的夏維斯補時建功，主場以1:0再贏車路士，兩回合計勝4:2晉級決賽。
首回合作客贏3:2的阿仙奴，次回合把握主場優勢於開賽初段佔得上風，可惜軒卡派爾未能把握機會先開紀錄。阿仙奴繼後放慢節奏，而總比數落後的車路士雖然希望平反敗局，但卻未能製造出太多攻勢，雙方開始呈現膠着狀態。直至下半場補時階段，車路士空群出擊希望取得入球，「兵工廠」藉此機會打反擊，並由後備入替的夏維斯建功，確保晉級決賽。
阿仙奴自2020年捧走英足盃後，便未嘗再贏得任何大賽冠軍，甚至未曾再晉級決賽，主帥阿迪達賽後高興地表示：「打入決賽就好似為我哋補充最好嘅維生素，因為我哋每3日就要踢一場比賽。不過諗起全體球員為咗實現目標付出咁多努力，最終一齊擁有呢啲勝利時刻，真係好神奇。你可以睇到班球員嘅笑容、活力、球隊嘅美好氛圍。我哋已經等咗好幾年，一定會好好享受呢場決賽！」
