客偷竊疑累店員扣薪 店方尋人變公關災難
不少店舖遇竊後都會上載閉路電視片段，呼籲歸還貨物或貨款，給犯案者一條生路。尖沙咀有首飾店近日就在Threads發布CCTV短片及截圖，顯示有女客人疑暗中偷走貨品，慨嘆店員因而失去一天薪酬，敦促涉事女子返店付款，否則不排除報警處理。事件引發熱議，但網民多將焦點放到扣薪之上，批店方卸責，對店員深表同情：「做店員好慘，老闆做唔好保安措施，請唔夠人，仲要承擔有人偷嘢嘅風險」，更直言「俾人偷嘢，都引發到公關災難」。
該帖子聲稱一名女子在店內「唔記得畀錢」，「先將睇中咗嘅貨品移去枱邊，不斷望咗店員幾次之後，最後背住店員攞走咗貨品」，暗示有人用蠱惑招偷竊；更慨嘆「小店生意難做，店員咁就冇咗一日人工」，呼籲片中女子返店付款，否則或報警處理。
惟網民對店方的呼籲不以為然，高呼「直接報警啦，搞咁多嘢」、「點解唔報警？對店員就嚴厲，對賊仔就寬容」；更多網民則關注店方扣薪，直白說「相比起偷嘢，香港人比較關注勞工權益」，有人怒斥「做sales要做埋防盜？你哋自己唔管好啲保安，賴落店員度？」有網民甚至搬出僱傭條例，質疑扣一日人工違規，「點解店員會冇咗一日人工？根據香港『僱傭條例』第32條規定，若僱員因疏忽或失職損壞/遺失僱主財物，僱主每次最多只能從薪金中扣除港幣$300元！望周知！」
置頂留言澄清：「唔使扣人工」
面對網民群起攻之，店方急以小編身份留言，澄清「多謝你關心小編我，暫時都未使扣人工住」，但網民未收貨繼續大鬧，店方唯有再留言並置頂指不用扣薪以息眾怒：「多謝海量朋友關心小編我，更正番唔使扣人工，小編中文唔夠好，受教了，主要出片係想搵番呢個小姐返嚟。」不過網民對此卻半信半疑。
