張曦雯搞大食會慰勞台前幕後
藝人張曦雯（Kelly）早前埋首趕拍TVB重頭劇《璀璨之城》，她日前則於社交平台晒出過去3個月拍攝《璀》劇的花絮點滴，只見劇組台前幕後打成一片，開工之餘還有各式聚餐，可謂寓工作於娛樂。她受訪時透露﹕「其實開工以嚟，我哋一齊過咗多個大時大節，好似冬至、聖誕及除夕咁，大家都想有少少嘅節日氣氛，加上工作人員真係好辛苦，所以我哋演員就夾咗啲錢，邊開工邊搞派對及大食會，最難忘係除夕嗰日大夜班，監製幫手安排咗個串燒檔嚟到拍攝現場，燒嘢畀大家食，同埋當時喺內地外景，可以一齊放吓煙花倒數，感覺好難忘。」
