佘詩曼準備收爐 情人節早有安排
視后佘詩曼（阿佘）近日頻頻出席活動搵銀，她昨日（3日）現身尖沙咀護膚品牌活動，稱本周六（7日）到內地拍攝廣告後便收爐，很期待放假同屋企人去旅行度歲，新一年希望遇到鍾意的角色和好劇本，拍多些好戲給大家看，自言沒有計算收入，覺得可以做到鍾意的工作好開心，期待《正義女神Themis》今年能夠播出。
阿佘透露情人節有人約，而且約了幾個，圈內圈外人都有，笑言日日都過情人節，問到是否參加Speed Dating（極速約會），阿佘即澄清：「唔係，無諗過，喺我屋企，應該唔會帶男仔嚟，唔想佢哋帶唔識嘅人嚟我屋企，或者下年先啦！」
有網民將阿佘不同時期的舊照比拚，力證阿佘無整容，她表示多謝大家關心，會盡量保持健康作息，以保持狀態，不過有時都會攰。問她有沒有容貌焦慮？阿佘說：「焦慮無用，接受現實，如果保持唔到也冇辦法，接受轉變，覺得唔同年紀有唔同味道。」
