大媽自修室霸位搣葱惹公審
自修室座位長期供不應求，胡亂佔用易惹公憤！近日有女生在Threads發帖指，在自修室溫化學期間突聞到青草味，驚覺有大媽霸佔座位「搣葱」，不滿受濃烈葱味和聲音滋擾遂拍片公審。網民批大媽行為影響他人，直言「好心啦，整餸就返屋企整啦」；亦有網民嘲大媽「自修家政科」、「考試前嘅最後『葱』刺」，建議應即通知職員請大媽離開。
樓主上傳相片和短片可見，一名大媽在枱頭放上膠盒，內有多棵青葱，悠然自得地摘走葱段較差的部位。樓主回應網民留言時仍不忘諷刺大媽：「又有葱味，又有草聲，溫書即刻入腦啲！我諗應該有『葱』明咗」。
網民嘲營造青葱歲月氣氛
一眾網民力數大媽的不是，直斥「係好影響其他使用者」、「唔適當嘅場合做唔適當嘅事」，又嘲諷「為自修室營造青葱歲月嘅氣氛」；有人慨嘆「真係每個自修室都有呢啲人」，有人則語重心長建議「其實呢啲真係可以搵職員請佢走」。
