千嬅重慶開騷 逾萬歌迷慶生
宣布啟動世界巡迴演唱會
歌手楊千嬅明日（3日）52歲生日，日前她於重慶舉行《52Hz Echoes生日限定音樂會》，以四面台形式與來自全球的過萬名歌迷提前慶生，主辦單位更為她安排十幢大廈亮燈慶生，非常巴閉，千嬅期間不單止唱歌，又有感人讀信、點唱、遊戲問答、互相對唱等環節，她又宣布今年將啟動「楊千嬅Live MY LIVE 1.0」世界巡迴演唱會，令全場沸騰。
千嬅透露選擇重慶作為見面會地點，坦言源於感動：「幾年前在演唱，重慶歌迷突然點唱《稀客》，呢首Side track（非主打歌）全場竟然大合唱！我即刻喊咗出嚟，個種感覺我仲記得，真係畀咗我極大支持，所以我揀重慶，不過當然唔可以太偏心，香港做過，今次重慶，下次可能我會每年揀唔同城市同大家慶祝，一齊去旅行，一齊玩幾好吖。」
拒再生育願幫手湊娃
音樂會後千嬅跟工作人員齊食飯慶祝，她笑言每年生日月都會切很多個蛋糕，已叮囑朋友、家人及粉絲不要破費買禮物，也不要送太多蛋糕，因為過完農曆年後，她就要開始修心養性，綵排練歌兼收身，準備下半年開始的世界巡迴演出。
問到千嬅可考慮再「追多個仔」？她回應：「我再生育機會好低啦，其實我好鍾意小朋友，所以我成日同朋友講，你有小朋友，我真係唔介意，畀我幫你湊，以我醫護知識同埋鍾意小朋友，我可以幫人湊得好好。」
