誓捧歐聯 卡尼要打臉奧雲
曾効力利物浦、皇家馬德里及曼聯的46歲英格蘭名宿奧雲，近日高調批評英格蘭強鋒哈利卡尼，直指他選擇投奔德甲加盟拜仁，是最錯誤的決定：「如果你喺8年前問哈利卡尼，離開熱刺想去邊隊，我認為可能係曼聯、曼城、皇馬或者巴塞隆拿。拜仁？肯定唔會係佢嘅前6名選擇囉！」奧雲指年過30的卡尼最終加盟拜仁，只因為未嘗捧盃滋味，但德甲冠軍的分量，根本無法與英超及歐聯榮譽相比。奧雲更放下狠話：「佢係尊貴嘅英格蘭最強前鋒，留喺英超可以打破好多紀錄，可以挑戰重大榮譽。去拜仁係自降身價，我唔相信拜仁可以為佢贏得歐聯冠軍，將來佢一定會後悔呢個選擇！」
對於奧雲的批評，哈利卡尼回應說：「每個人都有權利發表自己嘅意見，我同佢唔熟，唔係好了解佢，雖然，作為英超傳奇人物，我都尊重呢個人嘅！」卡尼表示選擇拜仁，對個人而言是最佳選擇：「人人嘅職業生涯都唔同，我嚟拜仁除咗為捧盃外，更想盡可能長時間保持喺最高水準！依家我喺各方面水平都正不斷提高，尤其爭取入波方面，不斷突破自己嘅極限！我全家人喺慕尼黑都好開心，我認為加盟拜仁係最佳決定！」談到歐聯錦標及隊友「奧利亞斯」時，卡尼說：「我同拜仁嘅隊友，都視歐聯冠軍為目標，我想證明奧雲嘅睇法係錯誤嘅！至於拜仁新魔翼問題，我覺得洛賓同列貝利擁有難以超越嘅成就，但佢哋合作多年至有豐功偉績，相反奧利斯同迪亞斯第一季合作就有咁好表現，將來完全有機會達到前輩水平。如果我哋想喺今季歐聯取得成功，絕對需要佢兩個繼續交出高水準！」
